Mamadou Dia

Mamadou Dia
Senegalgo lehen ministroa 1957ko maiatzaren 18a - 1962ko abenduaren 18a - Abdou Diouf → Member of the National Assembly of Senegal (en) Senator of the French Fourth Republic (en) Frantziako Nazio Biltzarreko kidea
Bizitza
Jaiotza	Khombole (en) , 1910eko uztailaren 18a
Herrialdea	Senegal  Frantzia
Lehen hizkuntza	frantsesa
Heriotza	Dakar, 2009ko urtarrilaren 25a (98 urte)
Hezkuntza
Heziketa	École normale supérieure William Ponty (en)
Hizkuntzak	frantsesa
Jarduerak
Jarduerak	politikaria eta ekonomialaria
Lantokia(k)	Paris eta Dakar
Sinesmenak eta ideologia
Erlijioa	islama
Alderdi politikoa	Socialist Party of Senegal (en)

Mamadou Dia (Kombolé, 1910eko uztailaren 18a — Dakar, 2009ko urtarrilaren 25a) senegaldar idazle eta politikaria izan zen. Senegalgo lehen ministroa izan zen 1960tik 1962ra.

Senegalgo eskola koraniko eta laikoetan ikasi ondoren, Parisko Unibertsitatean ekonomia ikasketak burutu zituen. Bigarren Mundu Gerraren ondoren, politikan sartu zen, eta Frantziako Senatuko kide izan zen 1948tik 1956ra, eta Frantziako Biltzar Nazionaleko kide 1956tik 1958ra.

Léopold Senghorrekin batera Afrikako Konbentzio Nazionala alderdia sortu zuen eta Senegalen independentziaren aldekoa izan zen. Maliko Federazioko (Mali eta Senegalek osatua) presidenteordea izan zen, eta Senegalen independentziaren ondoren lehen ministro bihurtu zen. Bere ideologia erradikal sozialistak askotan egin zuen talka Senghor presidentearenarekin.

Bi politikarien arteko gatazka Senghorren garaipenarekin amaitu zen. Haren aldekoek zentsura-mozio bat aurkeztu zuten Diaren aurka, eta hark parlamentua ixteko agindu zion armadari bozketa baino lehen. Dia estatu-kolpe bat sustatzeaz akusatu zuten eta biziarteko kartzela-zigorra ezarri zioten. 1974an barkatu zuten eta 1976an amnistia eman zioten. 1980ko hamarkadan, hauteskundeetan babes txikia izan zuen alderdi txiki bat zuzendu zuen.